கெழக்கு அது விடிஞ்சும் என்
பொழப்பு ஏனின்னும் விடியல
நெலவு அது தொலஞ்சும் என்
கனவு ஏனின்னும் தொலையல
-
மேகம் அது கலஞ்சும் என்
சோகம் ஏனின்னும் கலையல
நேரம் அது கொறஞ்சும் என்
பாரம் ஏனின்னும் கொறயல
-
கடனா கெடக்குது ஒலகம்
விடுனா புடிக்குது கலகம்
பொறுப்பா துடிக்குது இதயம்
வெறுப்பா இருக்குது நெதமும்
-
என்னதான் இல்ல
கைமீறிப் போகுதே எல்ல
அன்புதான் தொல்ல
கண்மீறித் தேடுதே மெல்ல
-
உசுரக் கொடுத்து ஒழச்சா
வாழுவதெப்போ
வயிறு காயப் படுத்தா
தூங்குவதெப்போ
-
மனச மறச்சு ஒளிச்சா
சேருவதெப்போ
பழச நெனச்சு கெடந்தா
மீளுவதெப்போ
-
கெழக்கு அது விடிஞ்சும் என்
பொழப்பு ஏனின்னும் விடியல
நெலவு அது தொலஞ்சும் என்
கனவு ஏனின்னும் தொலையல
கருத்துகள் இல்லை:
கருத்துரையிடுக